Velkommen til ny sesong. Reknar no med at minnebrikka har gått varmt i sommar, og at du har mykje å visa fram på medlemsmøta utover hausten (sjå haustprogram i margen). Og har du ikkje vore med oss på møta tidligare, er du spesielt velkommen!
Som før har me medlemsmøte første måndag i månaden. Her blir det vist og diskutert bilde og teknikk. Dei fleste fotografane nyttar digitalt fotoutstyr, men det blir og vist video og papirbilde. Møt opp, og hugs å ta med deg bilde!

Eit utkast av filmen under blei vist på eit møte i vår. Her er det endelege resultatet: Kvanndalen landskapsvernområde. Av Jarle Lunde

Paddebryllup

Frå forrige møte visar med to flotte og vårlege bilde. Paddene er fanga av Vidar Lunde. Det noko unike her er at det er fotografert med eit kompaktkamera, noko som gir svært god dypde.  Rolf Selvik har vore på orreleik og fått dette blinkskotet av orrhanen i flukt.

Neste møte blir måndag 6.juni. Då blir det fotografering! Me møter kl. 18.00 og veljer stad kor me dreg då, men eit forslag har vore Vandvik.

Då er tida inne for å minne om nytt møte i fotoklubben, 2. mai. Som alltid tek me med oss eit lite bildeknippe. Reknar med at dei får eit vårleg preg, men alle er kanskje ikkje heilt ferdige med vinteren?

Det flotte bilde over blei vist på forrige møte. Det er Kjetil Brekke som hadde fanga øyeblikket i Lovrafjorden. Dette og fleire bilde vist på møtet finn du no i galleriet.